ТИББИЁТ ХОДИМЛАРИ ЎРТАСИДА ФУТБОЛ БЎЙИЧА РЕСПУБЛИКА КУБОГИ ЎТКАЗИЛДИ

       Ўзбекистон Соғлиқни сақлаш ходимлари касаба уюшмаси томонидан республикамиздаги тиббиёт муассасаларида фаолият юритаётган тиббиёт ходимлари ўртасида соғлом турмуш тарзини тарғиб қилиш, шифокорлар ўртасида миллионлар ўйини бўлган футболни оммалаштириш, Республикамиз шифокорлар терма жамоаси таркибига янги иқтидорли футбол ўйинчиларини танлаб олиш, жалб этиш ва терма жамоа таркибини қайтадан шакллантириш, 2019 йилнинг 1-чорагида Тошкентда Ҳамдўстлик давлатлари, Европа ва Осиё давлатлари шифокорлари жамоалари ўртасида футбол бўйича “Ҳамдўстлик кубоги” турнири ҳамда 2019 йилнинг 3-чорагида Мексиканинг Канкун шаҳрида ўтказиладиган шифокорлар жамоалари ўртасида ўтказиладиган футбол бўйича Жаҳон Чемпионатида Ўзбекистон шифокорлар терма жамоасининг муваффаққиятли иштирокини таъминлаш мақсадида 2018 йилнинг 10-14 октябргача  Самарқанд шаҳрида Республика Спартакиадаси ўтказилди.

      Андижон вилоятидан 22 нафар иштирокчи қатнашди. Андижон вилояти шифокорлари курра ташлаш бўйича А-гуруҳдан жой олди. Андижон 0-1 Тошкент шахри, Сирдарё 0-2 Андижон, Андижон 2-0 Навоий ўйин билан гуруҳдан 2 ўринни эгаллади. Бухорони  мағлуб этиб, Умумий спартакиадада 5 ўринни эгалладилар.

Ташкилий ишлар бўлими