Kasaba uyushmasi tashkiloti qanday tuziladi?

Boshlang‘ich kasaba uyushmasi tashkiloti kasaba uyushmasi tashkiliy tuzilishining asosi hisoblanadi.

Boshlang‘ich kasaba uyushmasi tashkiloti ishlab chiqarish, tarmoq yoki kasb-kor prinsipi bo‘yicha, mulk shakli va kimga bo‘ysunishidan qatʼi nazar, yuridik shaxs bo‘lgan korxona, tashkilot yoki muassasalarda kasaba uyushmasi aʼzolari 5 nafardan kam bo‘lmagan taqdirda tuziladi.

Boshlang‘ich tashkilotni tuzish va kasaba uyushmasi tarkibiga kirish to‘g‘risidagi qaror kasaba uyushmasi aʼzolarining taʼsis yig‘ilishi (konferensiyasi) tomonidan qabul qilinadi.

Kasaba uyushmasi tashkiloti tuzilganidan so‘ng o‘n kun muddatda bu haqda yuqori kasaba uyushmasi organiga xabar qilinadi.