Munosiblar “Kasaba uyushmalari kuniga 1 yil” esdalik ko’krak nishoni bilan taqdirlandilar.

O’zbekiston kasaba uyushmalari Federatsiyasining “Kasaba uyushmalari kuniga 1 yil” esdalik ko’krak nishoni bilan viloyatimizdan  64 nafar kasaba uyushma faollar taqdirlandi.

SHuningdek, O’zbekiston kasaba uyushmalari Federatsiyasi tomonidan o’tkazilgan ko’rik-tanlovlarning viloyat bosqichi g’oliblari sifatida Respublika bosqichida ishtirok etgan laureatlar qimmatbaho sovg’alar va belgilangan pul mukofotlari bilan taqdirlandilar.

Ushbu mukofotlarni o’z egalariga viloyat hokimining o’rinbosari O’.SHukurov, O’zbekiston kasaba uyushmalari Federatsiyasi vakili, O’zbekiston metallurgiya va mashinasozlik sanoati tarmoqlari xodimlari kasaba uyushmasi  Respublika Kengashining raisi, O’zbekistonda xizmat ko’rsatgan sanoat xodimi A.Xaqqulov hamda Andijon viloyat Kengashi raisi Q.Parpievlar tomonidan topshirildi.

Bayram ishtirokchilari uchun bazm dasturxoni tashkil etilib, musiqiy chiqishlar bilan ko’tarinki ruhda o’tkazildi.