“Аёллари қадр топган юрт” шиори остида тадбир ташкил этилди

Вилоят касаба уюшмалари ташкилотлари бирлашмаси томонидан турли соҳаларда жумладан, қишлоқ хўжалиги, давлат ташкилотлари, тадбиркорлик, бизнес ва хизмат соҳалари, таълим, фан, маданият, соғлиқни сақлаш ва бошқа корхона, ташкилот муассасаларда самарали фаолият юритаётган ҳамда оилалар мустаҳкамлигини таъминлашда ўз ҳиссасини қўшаётган фаол хотин-қизларни рағбатлантириш, намунали касбий маҳорати билан барчага ўрнак бўлган меҳнат фахрийларини шарафлаш мақсадида 2021 йил 4 март куни соат 10:00 да вилоят касаба уюшмалари ташкилотлари бирлашмаси Кенгаши катта мажлислар залида “Аёллари қадр топган юрт” шиори остида 100 нафар аёллар учун маданий-маърифий тадбир ташкил этилди.
Ўзларининг фидокорона меҳнатлари билан мамлакатимиз ривожига муносиб хисса қўшган 100 нафар меҳнат ва касаба уюшмалари фахрийлари бўлган аёлларни бирлашма Кенгаши томонидан байрам совғалари билан тақдирландилар.
Тадбир юқори савияда ўтказилиб, оммавий ахборот воситаларида ёритилди.