“Эҳтиром”га лойиқ ном

Транспорт, йўл ва капитал қурилиш, қурилиш индустрияси ходимлари касаба уюшмаси Андижон вилояти бирлашган қўмитаси раиси Назокатхон Қўзибоева куни кеча Ўзбекистон касаба уюшмалари федерациясининг “Эҳтиром нишони” билан тақдирланди.

Шу муносабат билан вилоят касаба уюшмалари ташкилотлари бирлашмасида ўтказилган қутлов маросимида ҳамкасблари Назокатхон Қўзибоевани самимий табриклаб, ўзларининг дил сўзларини изҳор қилдилар. Касаба уюшмаларининг Н. Қўзибоевага бундай юксак эътибори ҳалол меҳнат, фидойилик ва жонкуярлик, албатта, эътироф этилишидан далолат.