МАМЛАКАТ МИҚЁСИДА “КАСАБА УЮШМАЛАРИ ҲАРБИЙЛАРГА” АКЦИЯСИ ЎТКАЗИЛМОҚДА

Айни кунларда касаба уюшмалари ташкилотлари томонидан мамлакатимиздаги ҳарбий қисмлар, чегара ҳудудларида жойлашган ҳарбий гарнизонлар, таълим муассасаларида маънавий-маърифий ва ҳарбий ватанпарварлик йўналишларидаги тадбирлар давом этмоқда. Уларда ҳарбий хизматчилар ва уларнинг оила аъзолари, хизмат вақтида ҳалок бўлган ҳарбийлар фарзандлари моддий ва маънавий қўллаб-қувватланмоқда.

Жумладан, Ўзбекистон Республикаси Мустақиллигининг 27 йиллиги муносабати билан “Ватан фидойи фарзандларини унутмайди!” шиори остида мустақиллик йилларида хизмат вазифасини бажариш вақтида жонини фидо қилган ҳарбий хизматчилар ва ички ишлар идораларининг оилаларидан хабар олиш, уларни моддий қўллаб-қувватлаш мақсадида мустақиллик йилларида хизмат вазифасини бажариш вақтида ҳалок бўлган Андижон вилоятидаги ҳарбий хизматчилар ва ички ишлар органлари ходимларининг 38 нафар оиласига Касаба уюшмалари Федерациясининг касаба уюшма бюджети ҳисобидан 500 (беш юз) минг сўмдан манзилли моддий ёрдам кўрсатилди.