“Спорт-саломатлик куни” шиори остида

Ўзбекистон Республикаси Президентининг 2020 йил 30 октябрдаги “Соғлом турмуш тарзини кенг тадбиқ этиш ва оммавий спортни янада ривожлантириш чора-тадбирлари тўғрисида”ги ПФ-6099-сонли Фармонига асосан вилоят касаба уюшмалари ташкилотлари бирлашмаси томонидан жорий йилнинг 5 декабрь куни Андижон футбол Академияси спорт залида “Спорт-саломатлик куни” шиори остида тармоқ корхона, ташкилот ва муассасалар ходимлари ва уларнинг оила аъзолари ўртасида спорт мусобақаси ўтказилди.

Спорт мусобақасида корхона, ташкилот ва муассасаларда ишловчи 200 нафардан ортиқ ишчи-ходимлар иштирок этди.

“Спорт-саломатлик куни” мусобақаси якунларига кўра қуйидаги иштирокчилар фахрли ўринларни эгалладилар:

мини футбол спорт тури бўйича:

1-ўрин – “Uz Tonq Xong Ko” қўшма корхонаси жамоаси;

2-ўрин – “Хамкорбанк” АТБ жамоаси;

3-ўрин – “Андижон сув таъминоти” МЧЖ жамоаси.

стритбол спорт тури бўйича:

1-ўрин – Қурилиш архитектура техникуми жамоаси;

2-ўрин – “Uz Avto Matorоs” корхонаси жамоаси;

3-ўрин – Хўжаобод тумани 9-умумтаълим мактаби жамоаси.

арқон тортиш спорт тури бўйича:

1-ўрин – Хўжаобод тумани 9-умумтаълим мактаби жамоаси;

2-ўрин – Мелеротив Экспедиция корхонаси жамоаси;

3-ўрин – Андижон тумани 47-умумтаълим мактаби жамоаси.

шашка спорт тури бўйича:

1-ўрин – Балиқчи педагогика коллежи ходими Деҳқонов Баходир;

2-ўрин Андижон тумани 23-умумтаълим мактаби ўқитувчиси Исманов Фаррух;

3-ўрин Миллий тикланиш демократик партияси вилоят кенгаши ходими Даминов Сардор.

Шунингдек, ғолиблар ва мусобақада фаол иштирок этган Андижон туманидаги 47-умумтаълим мактаби стритбол жамоаси, вилоят кўзи ожизлар жамияти ходими Кўймуродов Тожидин ҳамда Андижон тумани 21-умумтаълим мактаби ўқитувчиси Қурбонова Назокатхонлар Бирлашманинг қимматбаҳо совғалари ва диплаомлари билан тақдирландилар.