“Ўзбекистон бўйлаб саёҳат қил!” шиори остида ички туризмни ривожлантириш бўйича семинар ўтказилди.

Жорий йил 3 февраль куни Андижон вилояти касаба уюшмалари ташкилотлари бирлашмаси кенгаши кичик фаоллар залида “Kasaba sayr” шўъба корхонаси директори Т.Хидиров иштирокида Таълим ва фан ходимлари, Соғлиқни сақлаш касаба уюшмаси шаҳар ва туман кенгашлари ҳамда йирик бошланғич касаба уюшма қўмиталари раисларига семинар ўтказилди.
Семинарда Ўзбекистон Республикаси Президенти томонидан мамлакатимизда туризмни изчил ривожлантириш истиқболлари, сайёҳлик объектларидан самарали фойдаланиш, кўрсатилаётган хизмат турлари сифатини ошириш, юртимизнинг диққатга сазовор жойларига сайёҳлар оқимини кўпайтириш бўйича қабул қилинган қатор қарорларида белгилаб берилган вазифалар ижросига кўмаклашиш ҳамда “Ўзбекистон бўйлаб саёҳат қил!” шиори остида ички туризмни ривожлантириш масалалари мухокама қилинди.