“Hayit bayrami – ezgulik, shukronalik va mehr oqibat bayrami”

“Бағрикенг ўзбек халқи”, “Бағрикенг Ўзбекистон” ибораларини ҳар гал эшитганимизда қалбларимизни ғурур ва ифтиҳор туйғулари қамраб олади. Тақдир тақазоси билан йиллар ва асрлар оша турфа миллат ва элат вакиллари яшаб келган жаннатмакон юртимиз тинчлик, дўстлик ва бағрикенгик диёри сифатида оламга машҳур бўлиб келган.

Бугунги кунда юртимизда 130 дан ортиқ миллат ва элатлар вакиллари ўзаро тинчлик ва ҳамжихатликда истиқомат қилмоқда.

Бу муҳтарам Юртбошимиз Ш.Мирзиёев томонидан ишлаб чиқилган ва изчил амалга оширилаётган, донишмандлик, инсонпарварлик ва адолатпарварлик тамойиллари асосига қурилган сиёсатнинг натижасидир.

Буни биргина Пахтаобод туманидаги маҳаллаларда ўзбек, қирғиз, тожик ва уйғур ҳамда бошқа бир қатор миллат вакилларининг аҳил ва иноқликда, меҳрибон қўшничиликда, яшаб келаётганлигида кўришимиз мумкин.

Ўзбекистон касаба уюшмалари Федерациясининг Андижон вилоят Кенгаши ва Пахтаобод туман ҳокимлиги томонидан “Лолазор” маҳалласида “Ҳайит байрами – эзгулик, шукроналик ва меҳр оқибат байрами” шиори остида ташкил этилган “Ҳайит оши – тинчлик, дўстлик ва бағрикенглик оши!”, “Дўстлик ва ҳамжиҳатлик улуғланган юрт” номли байрам тадбирларида ҳам ўзбек, қирғиз, тожик, уйғур ва бошқа бир қатор миллат вакиллари қатнашди. Улар ўзаро аҳил ва иноқ ҳаёт кечираётганлигини маълум қилиб, кўзида қувонч, қалбида шукроналик ҳиссини кўришимиз мумкин.