2018 йилнинг 29 май куни Ўзбекистон халқ шоири Тўлан Низомнинг 80 йиллик юбилейига бағишлаб тадбир ўтказилди

       Шундай кишилар бўладики,  улардан бирортаси даврада пайдо бўлса, суҳбатга файз киради. Давра кенгайиб бораверади. Бу хил одамларнинг кўксида оҳанграбоси бўлади. Ўзбек халқининг улуғ адиблари  Ғофур Ғулом, Абдулла Қаҳҳор, Мақсуд Шайҳзодалар ана шундай файзли инсонлардан эди.

       Андижон вилоятининг Бўз туманида туғилиб, ижод қилиб, халқ орасида юксак мартабага эга бўлиб, бугун ўзининг муборак 80 йиллик тўйини нишонлаётган  Ўзбекистон халқ шоири, устоз Тўлан Низом ҳам мана шундай инсонлар сирасига киради.

        2018 йилнинг 29 май куни Тошкент давлат аграр университети Андижон филиалининг Бирлашган касаба уюшмаси қўмитаси ва Маънавият-маърифат ва иқтидорли ёшлар билан ишлаш бўлими ҳамкорликда олийгоҳнинг тантаналар саройида Ўзбекистон халқ шоири Тўлан Низом таваллудининг 80 йиллиги муносабати билан тантанали тадбир ўтказилди.     

          Тадбирда Ўбекистон халқ шоири Тўлан Низом ва бир қатор журналистлар, шоир ва ёзувчилар саҳна марказига таклиф қилинди. Ушбу қатнашчилар қатори ёзувчи Қамчибек Кенжа ва шоира Замира Рўзиевалар ҳам устоз шоирни  дил сўзлари, шоирга атаб ёзган шеърлари билан табрикладилар. Ўзбекистонда хизмат кўрсатган артист Тўлқин Ҳайдаров шоир қаламига мансуб шеърларга басталанган қўшиқлари билан барчага хуш кайфият улашди.

Бирлашган касаба уюшмаси қўмитаси раиси:                                          Д.Ғаниев