Kunning axamiyati!

Halqaro mehnat tashkilotining tashabbusi bilan 2003 yildan boshlab 28 aprel “Butunjahon mehnatni muhofaza qilish kuni” deb eʼlon qilinib, ushbu kunda dunyoning 100 dan ortiq davlatlarida dunyo hamjamiyatini ish joylarida sodir bo‘layotgan baxtsiz xodisalar va kasb kasalliklariga chalinishining oldini olish hamda mehnat muhofazasi masalalariga eʼtiborni yana-da kuchaytirishga qaratilgan tadbirlar o‘tkazilib kelinmoqda. Biz shunday natijalarga kelishimiz kerakki, sog‘lom muhitni yaratgan holda insonlar xavfsiz sharoitlarda ishlasinlar.Tajriba shuni ko‘rsatadiki, ish joylarida xavfsizlik, gigiyena va insonning salomatligiga eʼtibor yuqori darajada bo‘lishi mehnatkashlarga hamda ish beruvchilarga birdek naf keltiradi.

Halqaro mehnat tashkilotining talqiniga ko‘ra, 2025 yildagi o‘tkaziladigan tadbirlar “Mehnat muhofazasining yangi bosqichi: ish joyida sunʼiy intellektn va raqamlashtirishning roli” mavzusi ostida o‘tkazilishi tavsiya etilmoqda.

Hususan Andijon viloyatida ham barcha tarmoq tashkilotlarida belgilangan tartibda o‘tkazilishiga tayyorgarlik ko‘rilmoqda.

28 aprel “Butunjahon mehnatni muhofaza qilish kuni” ga bag‘ishlangan tadbirlar bilan bir qatorda O‘zbekiston kasaba uyushmalari Federatsiyasining tegishli nizomi asosida Federatsiyaning Andijon viloyat Kengashi tomonidan tashkil qilingan “Mehnat muhofazasi va xavfsizligi bo‘yicha jamoatchilik nazoratini tashkil etish yuzasidan respublika ko‘rik-tanlovi” ning g‘oliblarini ham taqdirlash marosimi o‘tkazilishi redalashtirilgan.

ESLATMA!

Ish beruvchi va soxa bo‘yicha masʼullar diqqatiga “Butunjahon mehnatni muhofaza qilish kuni” munosabati bilan aprel oyida mehnatni muhofaza qilish va gigiyenasi, ishlab chiqarishdagi baxtsiz xodisa va kasb kasalliklarini oldini olish masalalarida belgilangan tartibda tadbirlar o‘tkazilishi hamda soxada mehnat qilayotganlarni rag‘batlantirish ishlarini ham amalga oshirish maqsadga muvofiqdir. Zero havfsizlik uchun to‘lash lozim, uning yo‘qligi uchun esa to‘lab boriladi…