Германия давлатининг Ўзбекистондаги мухтор элчиси Гюнтер Оверфелд Пахтаобод туманига ташриф буюрди

2018 йил 24 апрель куни Германия давлатининг Ўзбекистондаги мухтор элчиси Гюнтер Оверфелд элчихона вакили Ойген Райнхард ҳамда таржимон Абдувоҳид Сулаймонов билан биргаликда тумандаги  21-Давлат ихтисослашган мактаб интернатига (немис тилига ихтисослаштирилган) ташриф буюрдилар.

         Меҳмонлар 21-ДИМИнинг ўқитувчи ва ўқувчилари билан учрашув ўтказди.

         Учрашув давомида ўқувчилар билан элчи жаноблари ўртасида немис тилида тез айтиш, талаффузи қийин бўлган сўзлар  иштирокида гаплар бўйича суҳбат ўтказилди.

         Тадбирда ўқувчилар томонидан  немис тилида тайёрланган рақс ва ўзбек миллий рақслари ижро этилди.

Тадбир сўнгида меҳмонлар мактаб маъмуриятига Германия давлати ҳақида китоб совға қилдилар.